أمل
يا مصر يا غالية يا ساكنة جوة القلب ماتقولي
هو الصبر خلص ولا بيتباع اقول لحد يجيبهولي
أنا قلبي خلاص اتوجع من الهم واللي شيلهولي
إمتى ها تروق ولا نسلم ردي عليه بقى وقولي
أمل
على جدار العار ......ها أرسم جدار
اتدارى وراه واستخبى من ذل العار
على جدار المهانة.. هاأكتب وأقول
اللي بيجرى دا احتارت فيه العقول
جمال
على جـــدار العــار ... رســمت خطيـــن ســــود
حـــزن وحـــداد .. على الكـرامة اللى أكلها الدود
م احنـــا اتـكتــب علينـــا .. ندخـل نفـق مســدود
لكن معلشّ .. بكره هتنفرج وصفو المزاج هيعود
أمل
على جدار العار ها أكتب لأولادي.. كلمتين
مصري فلسطيني سوداني إحنا بني آدمين
دينا واحد أصلنا واحد ولغتنا مش. لغتين
ايدكم في ايد بعض وهدوا الجدار.. اللعين
جمال
على جــدار العــار .. هـ اكتب لأولادى كــلام
إن اليهــود خاينين .. وما ينفع معاهم سـلام
لا ف عهــد النبــى .. ولا بعــد مليــون عــام
حرقوا الزيتون من زمان .. وقتلوا كل الحمام
أمل
على جدار الخيانة ها أكتب.......... وأقول
لكل شيء نهاية ويعدي....... مهما يطول
واللي ظلم اليوم عن ظلمه..........مسئول
ويوم الوعد قدام الخلايق.......... مخذول
وعجبي
فيه صبر عند العطار يا امولة بس بطعم المررررررررررررررررر
ردحذفمررررررر يا نورانية
ردحذفمش كفاية المر اللي إحنا فيه
الحمد لله
الله الله
ردحذفبجد كأنى أقرأها لأول مرة
بارك الله فيكما
امل
جمال
وبارك الله فيك أخي الغالي
ردحذفاللهم أمين
دمت رائعا بروعة قلبك
الله عليكى يامبدعة
ردحذفتسلم افكارك وتسلم لنا حروفك الراقية
دمتى رائعة حبيبة قلبى امولة
بدر الدجى
ردحذفنورتي المدونة حبيبة قلبي
كتر خيرك على كلماتك الجميلة
الابداع هنا مشترك بيني وبين الفنان جمال نور
دمت بود وبخير يارب يا بدر