َ
أمل
الوردة اشتكت الأغصان أشواكك بتبعد أحبابي عني
الغصن مال عليها وقال عمرنا أنا والشوك... وأنتِ
مااتفرقنا ولا اشتكى حد منا اسمعيني بس... استني
لو حبيبك حبيبك بجد كان مسك الشوك وهو متهني
الغصن مال عليها وقال عمرنا أنا والشوك... وأنتِ
مااتفرقنا ولا اشتكى حد منا اسمعيني بس... استني
لو حبيبك حبيبك بجد كان مسك الشوك وهو متهني
جمال
الغصن اتمايل .. راح قايل .. أنا شوكى حنيِّـن مش قاسى
بس انتِ ياوردة اللى رقيقة .. وكلامِك على عينى وراسى
والشوك أنا شايلـُه عشان خاطرِك .. من غيرُه ممكن تنداسى
وأنا عايز استمتع بجمالِك .. وأصونِك و دا أمر أساسى
بس انتِ ياوردة اللى رقيقة .. وكلامِك على عينى وراسى
والشوك أنا شايلـُه عشان خاطرِك .. من غيرُه ممكن تنداسى
وأنا عايز استمتع بجمالِك .. وأصونِك و دا أمر أساسى
أمل
قالوا الحب دا جميل قلت مصدقشيما أنا جربت الحب يا عيني ومنفعشي
أصل الحب عندي كلمة رقيقة وهو
قلتله ابعد عني واتحاشاني ومتنحشي
جمال
أجمل كلام ف الغرام .. لسّه ما تقالشى
وأجمل شعور شايلينه .. ليه مايتشالشى ..؟
أسأل عليك من زمان .. وانتَ ماتسألشى
وتتقل علىَّ كمان .. مفروض ما تتقلشى
وأجمل شعور شايلينه .. ليه مايتشالشى ..؟
أسأل عليك من زمان .. وانتَ ماتسألشى
وتتقل علىَّ كمان .. مفروض ما تتقلشى
أمل
لا أنا أتقل دا العمر راح ولسه بتقول الكلام ماتقالشي
وشعور ايه اللي شايلينة دا الشعر شاب ولا اتسبغشي
وتسأل عليَّه فين ومين وأنت هاجر وسنين مشفتكشي
يا حبيبي الحب ود جميل!! ودا حقي علشان معاتبتكشي
وشعور ايه اللي شايلينة دا الشعر شاب ولا اتسبغشي
وتسأل عليَّه فين ومين وأنت هاجر وسنين مشفتكشي
يا حبيبي الحب ود جميل!! ودا حقي علشان معاتبتكشي
جمال
ساعات بحِسّ انك بعيد .. وبترفض حتى تسمعنى
وساعات بحسّ انك عنيد .. بتخبط كلمة توجعنى
ليه الصدّ والهجران ؟؟ .. قولـّى كلام يشجّعنى
أحكيلك ع الرومانسية .. تقولـّى طاب وإيه يعنى ؟!!
وساعات بحسّ انك عنيد .. بتخبط كلمة توجعنى
ليه الصدّ والهجران ؟؟ .. قولـّى كلام يشجّعنى
أحكيلك ع الرومانسية .. تقولـّى طاب وإيه يعنى ؟!!
أمل
دا اللي في القلب ساكن جواه عمره مافارقشي
غرقني في بحره وهوعايم في هواه مغرقشي
أقوله طب ايدك الحقني يبعد و يطنشني
وهو ساكن جوة العين والنني والرمش
وعجبي
